Academia de Turismo
da Comarca de Ordes
Clases maxistrais e mentorizacións por e para profesionais do sector
Presentación
A Mancomunidade de Ordes leva xa tempo traballando nunha estratexia conxunta de todos os seus concellos para artellar estratexias conxuntas para que o turismo da nosa comarca se converta nunha fonte de promoción e de ingresos para as nosas xentes.
Pero unha boa planificación turística non se forma so tendo unha imaxe conxunta, unha plataforma de web de promoción e uns folletos de promoción, todo isto é parte do que as institucións podemos e de feito xa temos en marcha, outro dos piares que deben soster esta estratexia é a implicación do sector privado na creación de produto turístico e na definición de obxectivos e sinerxías entre o propio sector e tamén coas diferentes administracións, e así é como o vemos desde a Mancomunidade de Ordes, por iso poñemos en marcha este proxecto que pretende formar ás nosas empresas do sector turístico e dar asesoramento a aqueles proxecto emprendedores con profesionais de alto prestixio.
A Academia de Turismo conta con dúas accións moi diferenciadas, as “Clases maxistrais” e as “Mentorizacións”, para todas estas accións contaremos cun importante plantel de formadores, todas estas persoas contan unha ampla experiencia en cada un dos subsectores do turismo.
o que precisas para saber
Como participar
Como puideches ler, hai dous xeitos de participar, presentando unha candidatura á ser unha das empresas mentorizadas na Academia e outro dos xeitos e asistindo ás Clases Maxistrais que se impartirán e das que podes ver o programa nesta mesma web.
solicitude empresa mentorizada
Se queres participar como unha das 10 empresas que serán mentorizadas, debes cubrir esta solicitude, esta solicitude non supón que a túa idea ou proxecto sexa seleccionada, se non que será avaliada e seleccionada pola dirección da academia, despois da análise da mesma, para o cal é probable que che solicitemos mais información e incluso se concerte unha entrevista:
Clases Maxistrais
Programa
A estas masterclass poderán asistir as empresas mentorizadas, pero tamén calquera outra persoa que o desexe, xa que serán RETRANSMITIDAS ONLINE
Se o que queres é participar nas clases maxistrais, no programa poderás acceder a información de cada unha delas e tamén poderás realizar a solicitude de admisión, xa que serán prazas reservadas. Para estas accións terán prioridade as persoas con domicilio na Comarca de Ordes, podendo participar xente da mesma, sempre e cando non se cubran as prazas.
As accións serán impartidas por persoal capacitado e con grande experiencia, sendo estas as accións que se realizarán:
13/10/2021
Xestión de Empresas Turísticas
Estefanía Fernández
Para xestionar unha empresa neste sector hai que ter unhas nocións básicas da legalidade e tamén dos novos xeitos e as novas tecnoloxía usadas na xestión e na venda destes produtos.
Lugar:
Concello de Oroso (Aula CeMIT)
Horario:
Mércores, de 19.30h a 21.30h
15/10/2021
Xornada de exemplos de Boas Prácticas
Manuel Lema, de Cabañitas del Bosque, Jessica Rey de Casa Grande de Xanceda, Manuel Guillermo Cartamil de SeaFood Market Mama Celia, Xosé Ramón Nóvoa de Ruta N-VI
Teremos a oportunidade de coñecer 4 negocios turísticos que están a triunfar en Galicia, Cabañitas Del Bosque como aloxamento, Casa Grande de Xanceda, que ademais de facer uns iogures riquísimos recibe visitas na súa granxa, como modelo de venta e restauración Mamá Celia Sea Food, que está arrasando entre turistas e peregrinos, e por último Xosé Ramón Nóvoa para presentarnos o seu proxecto da Ruta N-VI.
Lugar:
Concello de Trazo (Centro Social Casa Amarela)
Horario:
Venres, de 17.30h a 19.30h
20/10/2021
Atención ao Cliente Offline
Alberto Pita
Esta formación vai dirixida a persoas que estean cara o público, sendo o seu obxectivo principal certas normas básicas de recepción e atención ao cliente baseadas nos protocolos da chamada cultura do detalle.
Lugar:
Aula de cociña, na Praza de Abastos do Concello de Ordes
Horario:
Mércores, de 17.30h a 19.30h
22/10/2021
Plan de Viabilidade
Ana Belén Muñiz Vera
As empresas deben ser viables e sostibles no tempo, para iso necesitamos saber como analizar os datos da nosa empresa, aprendendo a analizar os nosos balances, facer un estudio de custes e demais ferramenta de control para poder analizar a viabilidade do noso proxecto.
Lugar:
Concello de Frades (Sala Multiusos do Concello)
Horario:
Venres, de 19.30h a 21.30h
27/10/2021
Posibilidades de Financiación e Axudas para a miña Empresa
Colaboración co Clúster de Turismo
Mais nestes tempos de incertidume é de moita interese, incluso necesidade en moitos casos, o estar informado das axudas que existen das diferentes administracións para o sector, e así mesmo de opcións de financiamento. Participará pola Xunta de Galicia a Directora de Competitividade de da Axencia de Turismo de Galicia Dona María Baleato.
Lugar:
Salón de plenos da Mancomunidade de Ordes, Concello de Ordes
Horario:
Mércores, de 19.30h a 21.30h
29/10/2021
Atención ao Cliente Online, Whatsapp Business
Alberto Falcón
Nestes novos tempos é tan importante a boa atención presencial como a atención por medio de medios tecnolóxicos, por iso nesta formación se informará das ferramentas mais adecuadas para este fin como pode ser Whatsapp, Messenger, as ferramentas de E-mail marketing, e como usalas, en canto autorespondedores, tempos de resposta, solucións de crises, etc. Tamén se tratará a xestión desta atención nas Redes Sociais.
Lugar:
Concello de Cerceda - Viveiro de Empresas
Horario:
Venres, de 19.30h a 21.30h
03/11/2021
Camareira/o de barra (Barista)
Alberto Pita
Este é un sinxelo pero necesario curso, dado o grande número de bares e cafeterías que hai no entorno, este curso vai dirixido a camareiros que atendan as barras, no que aprenderán o básico sobre a preparación do café e todas as súas variantes, así como as nocións básicas de coctelería. Para isto a empresa que imparta a formación ten que ofrecer as instalacións adecuadas para este fin, ben sexan unhas xa existentes ou outras adaptadas.
Lugar:
Concello de Ordes (Lugar a determinar)
Horario:
Mércores, de 17.30h a 19.30h
05/11/2021
Escandallo e Optimización de Menús
Miguel Silvaredonda
Para todos aqueles establecementos que ofrecen comidas ou tapas é de grande interese saber o desperdicio que teñen certos produtos e incluso certos cortes ou preparacións, o obxectivo desta formación é aprender a facer un bo escandallo dos produtos dun prato, aplicando nel todos os custes necesarios tanto de produto como de outros derivados.
Lugar:
Aula de cociña, na Praza de Abastos do Concello de Ordes
Horario:
Venres, de 17.30h a 19.30h
10/11/2021
Conservación de Produtos
Miguel Silvarredonda
Nos últimos anos foron moitas as novas tecnoloxías que saíron ao mercado en cuestións de conversación, sobre todo no relacionado co envasado ao baleiro e os novos gases de conservación, estes novos sistemas son de moito interese para mellorar unha boa almacenaxe do produto e incluso da chamada quinta gama.
Lugar:
Aula de cociña, na Praza de Abastos do Concello de Ordes
Horario:
Mércores, de 17.30h a 19.30h
12/11/2021
Envases para TakeAway
Miguel Silvarredonda
Este tamén é todo un mundo que está a sufrir grandes cambios nos últimos tempos e que van a sufrir mais cambios no futuro, xa que as nova normas europeas de residuos cero vai a provocar que os sobrantes das comidas se poidan levar para casa en boas condicións, así como a eliminación dos envases de plástico e os non reutilizables esixe poñerse ao día.
Lugar:
Aula de cociña, na Praza de Abastos do Concello de Ordes
Horario:
Venres, de 17.30h a 19.30h
17/11/2021
Comercialización de Produtos Online, a nova economía
Estefanía Fernández
Cada vez mais o de estar preparado para a venda a domicilio é mais importante para a venda no sector do turismo, por iso é moi importante estar ao día das ferramentas que nos fan chegar aos clientes e que permiten tanto o pago a distancia como a realización de encargas.
Lugar:
Concello de Tordoia (Lugar a determinar)
Horario:
Mércores, de 19.30h a 21.30h
19/11/2021
Xornada de Contactos con Axencias
Varios asistentes
Como remate da academia, debemos chegar ao punto de coñecer como funciona a creacións de produto para a súa comercialización por medio de axencias, para esto contaremos con Juan A. Rivadulla, Presidente da Asociación Galega de Axencias de Viaxes (Agavi), e Javier Calaza de “Travels to Finisterre”, especializado no exitoso proxecto do camiño dos Faros.
Lugar:
Salón de plenos da Mancomunidade de Ordes, Concello de Ordes
Horario:
Venres, de 19.30h a 21.30h
11/12/2021
RUTA “Comarca de Ordes a ConCiencia”
Observer Turismo Científico
Coa colaboración entre a Mancomunidade e a Deputación da Coruña está definindo unha ruta de diferentes recursos, que pasarán a formar parte da “Ruta ConCiencia” da nosa comarca, esta ruta pasará a formar parte do proxecto Observer, que divulgará a ruta a nivel nacional e internacional.
A saída do bus será ás 10:00 h. do sábado 11 de decembro, do parque Rodríguez de la Fuente de Ordes e realizará paradas en diferentes puntos dos concellos da nosa Comarca, contando tamén cunha parada para poder tomar un snack, contaremos con guías especializados e estaremos de volta no punto de partida ás 14:00 h.
A saída do bus será ás 10:00 h. do sábado 11 de decembro, do parque Rodríguez de la Fuente de Ordes e realizará paradas en diferentes puntos dos concellos da nosa Comarca, contando tamén cunha parada para poder tomar un snack, contaremos con guías especializados e estaremos de volta no punto de partida ás 14:00 h.
Lugar:
Casa do Concello de Ordes
Horario:
Sábado, de 10h a 14h
16/12/2021
VISITA A CASA GRANDE DE XANCEDA
Casa Grande Xanceda
Visita guiada para coñecer a granxa da Casa Grande de Xanceda, despois da visita realizaremos unha degustación de produtos e realizaremos unha reunión de networking para poder compartir impresións coa dirección da empresa e as diferentes empresas que participen na actividade.
As persoas anotadas poderán achegarse á Casa Grande de Xanceda polos seus propios medios ou en autobús que sairá do parque Rodríguez de la Fuente de Ordes ás 16:00 h. para comezar a visita ás 16:30 h.
As persoas anotadas poderán achegarse á Casa Grande de Xanceda polos seus propios medios ou en autobús que sairá do parque Rodríguez de la Fuente de Ordes ás 16:00 h. para comezar a visita ás 16:30 h.
Lugar:
Casa Grande de Xanceda - Mesía
Horario:
Xoves, ás 16.30h
Coñece aos
Expert@s
Quen e?
Manuel Pan
Será o director de Academia e tamén mentor de proxectos, conta con mais de 20 anos de experiencia no sector turístico, moi vinculado á estratexia de negocio e ás novas tecnoloxías, colabora con iniciativas empresarias de grande éxito e tamén coa planificación de destinos turísticos. Ademais da mentorización de algunha das empresas, realizará as labores de director da academia.
Quen e?
Ana Belén Muñiz Vera
Licenciada en Administración e Dirección de Empresas pola Universidade da Coruña. Dedícase á xestión administrativa e ao asesoramento empresarial. O obxectivo neste proxecto é aportar o seu valor engadido alí onde se valore a rendabilidade do servizo e non sexa considerado un mero custe.
Quen e?
Alberto Pita
É profesor de hostalaría e turismo da Xunta de Galicia e da Junta de Castilla y León, ademais ten unha importante traxectoria no asesoramento para a montaxe de locais de hostalaría focalizado na rama de restaurante, bar e cafetería, recibindo varios premios nesta especialidade, habitualmente participa en accións formativas para empresas do sector.
Quen e?
Alberto Falcón
É un especialista en márketing que nos ofrecerá un curso de atención ao cliente por WhatsApp Business, unha ferramenta que ofrece un novo xeito de atención ao cliente e que mellora os procesos de comunicación entre os clientes e a empresa.
Quen e?
Miguel Silvarredonda
É profesor de cociña da Xunta de Galicia, ademais de colaborar en diferentes departamentos de i+d de empresas punteiras do sector alimentario e de asesorar na montaxe de restaurantes por todo o mundo. O seu labor docente tamén o aplica en diferentes accións formativas relacionadas co mundo da alimentación.
Quen e?
Estefanía Fernández
É una apaixonada emprendedora e experta en innovación de modelos de negocio e transformación dixital. Mentora, conferenciante e fundadora en Berlín de e-bloom e do meetup Business Model Re:public (entidade que crea eventos con máis de 5000 membros a nivel internacional). Graduada en turismo e cun eMBA en xestión de empresas turísticas, fundou unha DMC especializada en turismo alternativo, traballou con varias OTAs e na dirección de dous hoteis, en España e Alemania.
Quen e?
Manuel Lema
Responsable do grupo Do Artesanato ao que pertenecen as Cabañitas del Bosque
Quen e?
Jessica Rey
Responsable de Marketing en Casa Grande de Xanceda
Quen e?
Manuel Guillermo Cartamil
Responsable de Mama Celia seafood.
Quen e?
Xosé Ramón Nóvoa
CEO da Ruta da N-VI
Cada un dos mentores que se lle asigne a cada empresa acordará as datas e tempos de duración das xuntanzas de mentorización entre os meses de setembro a decembro do presente ano, tamén acordarán coa empresa si a reunión é presencial ou a distancia.
Ao final da mentorización realizarase un acto de presentación dos proxectos mentorizados, co fin de dalos a coñecer.
Contacto
© Mancomunidade de Concellos de Ordes